Kehta hoon balke aur dawa yey pila mujhey
Sajdey to kar raha hoon barabar sanam tujhey
Uska mila naheen hai abhi tak sila mujhey
Ab kon hai yahaan pe masiha nijaat ka
Main mar gaya hoon khauf se aake jila mujhey
Ho chasm-e-mast jiski, badan ho sharaab sa
Aisi haseen jaan-e-tamanna dila mujhey
Hota naheen sharaab se mujh ko nasha agar
Maikhana-e-shabab se dil bhar Pila mujhey
Main so raha hoon chain se awaaz de mujhey
Uthoon agar naheen main to aake hila mujhey
Apne shaoor-o-aql pe mujhko ghuroor hai
Luqma-e-khaak_sari bana kar khila mujhey
Aazaad ab kahaan pe miley ga asiir-e-gham
Is bheerd bhard-e-bazm main usse mila mujhey!
Comments
0 comments to "Angry SMS"
Post a Comment