Mai toot-ta tha toh chun kar sambhaal rakhti thi
Her aik masley ka hal nikaal rakhti thi
Zaheen thi mujhey hairat mai daal rakhti thi
Mai jab bhi tark-e-taaluq ki baat karta tha
Wo rokti thi mujhey kal pay taal rakhti thi
Wo meray dard ko chunti thi apnay poron say
Wo meray waastey khud ko nidhaal rakhti thi
Woh doobnay nahi deti thi dukh kay darya mai
Meray wajood ki naao uchaal rakhti thi
Duain uski balaon ko rok laiti thin
Wo meray char soo haathon ki dhaal rakhti thi
Usay nidaamatain meri kahan ganwaara thin
Wo meray waastey aasaan sawaal rakhti thi
Bichadh kay us say mai duniya ki thokron mai hon
Wo paas thi toh mujhey la-zawaal rakhti thi
Comments
0 comments to "Angry SMS"
Post a Comment